Россиянинг собиқ президенти, Россия Федерацияси Хавфсизлик кенгаши раисининг амалдаги ўринбосари Дмитрий Медведев Луганск вилоятига ташриф буюриб, Владимир Путин номидан хавфсизлик масалалари бўйича йиғилиш ўтказди.

Ижтимоий тармоқларда Медведев пайшанба куни Луганск Халқ Республикасига ташриф буюрганини, у ерда Луганск Халқ Республикаси раҳбари Леонид Пасичник ва Донетск Халқ Республикаси раҳбари Денис Пушилин билан учрашганини маълум қилган.

Унинг сўзларига кўра, Путин номидан у йиғилиш ўтказган, унда қатнашувчилар Россия томонидан босиб олинган ҳудудларда Украина операцияси бўйича баъзи муаммоларни муҳокама қилишган.

Келтирилишича, Россия Федерацияси Бош прокурори Игор Краснов, Ички ишлар вазирлиги раҳбари Владимир Колоколцев, Қурилиш вазирлиги раҳбари Ирек Файзуллин, ФСБ директори Александр Бортников ҳам иштирок этган.

Йиғилишда Медведев ЛПР ва ДХР қонунчилиги Россия Федерациясининг қонунларига асосланган ҳолда яратилиши керак эканлигини алоҳида урғулаган.

• АҚШ
• Medvedev
• Путин
• Россия
• Украина