Электр энергияси, нефть маҳсулотлари ва газдан фойдаланишни назорат қилиш инспекциясининг маълум қилишича, қарши шаҳрида яширинча тармоққа уланган ишлаб чиқариш цехи 1 млрд 65 млн сўмлик табиий газдан ноқонуний фойдаланганлиги аниқланган.

“Ўзенергоинспексия” Қашқадарё вилояти ҳудудий бошқармаси ва Бош прокуратура ҳузуридаги Департамент ҳамкорлигида ўтказилган назорат тадбирида Қарши шаҳрида фуқаро М.Ф. фермер хўжалигига қарашли бинода фаолият юритаётган омухта ем ишлаб чиқариш цехи ҳужжатларсиз, тўғридан-тўғри газ тармоғига уланиб, ундан ноқонуний фойдаланганлиги аниқланган.

Ушбу қоидабузарлик ҳолати бўйича далолатнома расмийлаштирилиб, дастлабки ҳисоб-китобларга кўра давлат манфаатларига 1 млрд 65 млн сўм зарар етказилганлиги маълум бўлган.

Мазкур ҳолат юзасидан тегишли ҳужжатлар расмийлаштирилиб, ҳуқуқни муҳофаза қилувчи органларга юборилган.

• Departament
• Газ