Аввалроқ, Қашқадарёда 14 ёшли қизини калтаклаган ота-она иши юзасидан жиноят иши қўзғатилгани ҳақида хабар берилган эди.

Жиноят ишлари бўйича Косон туман судида айбланувчи Р.Т.га оид жиноят ишини кўриб чиқиш бўйича очиқ суд жараёни якунланиб, суд ҳукми эълон қилинди.

Аниқланишича, Р.Т. охирги бир йил давомида муттасил равишда ўзининг 2009 йилда туғилган вояга етмаган қизини ҳар хил сўзлар билан ҳақоратлаб, уриб-дўппослаб, қийнаб келган.

Суд ҳукмига мувофиқ Р.Т. Жиноят кодексининг 110-моддаси (қийнаш) 2-қисми “а” бандида назарда тутилган жиноятни содир этганликда айбли деб топилиб, унга 3 йил муддатга озодликдан маҳрум қилиш жазоси тайинланган.

• Жиноят
• Qashqadaryo