Қашқадарёда босқичма-босқич вилоятга олиб келинаётган, Хитойда ишлаб чиқарилган автобусларнинг навбатдаги 30 донаси фаолиятини бошлади. Бу ҳақда вилоят ҳокимлиги матбуот хизмати хабар берди. Маълум қилинишича, уларнинг ичида 4 дона туристик автобуслар ҳам мавжуд бўлиб, ички туризмни ривожлантиришга, нуронийлар ва ёшларни саёҳатларини ташкил этишга хизмат қилади.

“Қашқадарё” газетаси хабарига кўра, автобусларнинг умумий сиғими 67 киши, шу жумладан, йўловчи ўриндиқлари сони 24 тани ташкил этадиган CRRC TEG6890NG01 русумли мазкур автобуслар нисбатан арзон ва экологик тоза ёнилғи – сиқилган табиий газда ишлайди.

Шунингдек, бу транспорт воситалари кузатув камералари, ҳаво мўътадиллигини таъминловчи мосламалар ҳамда ҳаракатини масофадан мониторинг қилиш учун ГПС-трекерлар ва йўл кирани электрон тарзда тўлаш учун стационар валидаторлар билан жиҳозланган.

• Автобус
• Qashqadaryo
• Хитой