“O‘zaviatsiya” агентлиги томонидан Қозоғистоннинг “Qazaq Air” авиакомпаниясига Ўзбекистонга мунтазам авиaқатновларни амалга ошириш учун рухсат берилди. Бу ҳақда агентлик матбуот хизмати хабар қилди.

Рухсатнома 13 март куни берилган. Авиаташувчи Туркистон — Самарқанд — Туркистон йўналиши бўйича DHC-8−402 самолётида парвозларни амалга оширади.

Авиакомпания февраль ойи охирида шаҳарлар ўртасида тўғридан-тўғри рейсларни йўлга қўйиш режасини эълон қилган. 15 мартдан бошлаб парвозлар ҳафтасига икки марта — ҳар жума ва якшанба кунлари амалга оширилади:

• Туркистондан учиш — 20:20, Самарқандга қўниш — 21:20;
• Самарқанддан учиш — 22:10, Туркистонга қўниш — 23:10.

Бир томонга чипта нархи 25 минг тенгедан бошланади (Марказий банкнинг 16 мартдаги курси бўйича 706 минг сўм).

• Авиақатнов
• Қозоғистон
• Самарқанд
• Samolyot