Бугун, 10 декабрь куни соат 03:49 да Тошкент вилояти Фавқулодда вазиятлар бошқармасига Тошкент вилояти, Қибрай тумани, “Ғафур Ғулом” МФЙ, А.Навоий кўчасида жойлашган МЧЖларнинг бирида (ош маркази) ёнғин содир бўлаётганлиги ҳақида хабар келиб тушган.

Хабарга асосан, 16 та ёнғин-қутқарув экипажи соат 03:54 да ҳодиса жойига етиб бориб, ёнғин соат 05:10 да ўраб олинган ва соат 05:50 тўлиқ ўчирилган.

Бу ҳақда Фавқулодда вазиятлар вазирлиги ахборот хизмати хабар берди.

“Ҳодиса оқибатида тан жароҳати олган ва вафот этганлар йўқ.

Ҳозирда ёнғиннинг келиб чиқиш сабаби ва моддий зарар миқдори аниқланмоқда.

Воқеа жойига Фавқулодда вазиятлар вазирининг биринчи ўринбосари-штаб бошлиғи полковник С.Т.Зупаров, вилоят ФВБ раҳбарияти ҳамда тегишли ташкилотлар раҳбар ходимлари етиб борган”, – дейилади хабарда.

• ФВВ
• Қибрай
• ёнғин