Янги йилдан камида 15 йил стажга эга олий тоифали педагогларга ипотека кредити бошланғич бадалининг 25 фоизи қоплаб берилади.

Келгуси ўқув йилидан давлат олийгоҳларига ўқишга кирган педагоглар фарзандлари учун контракт тўловига 30 фоиз чегирма берилади.

Ўқитувчиларга янги таълим технологияларини жорий этиш учун компьютер харидига 10 миллион сўмгача имтиёзли кредит ажратилади.

Келаси йилдан педагоглар учун давлат хизматлари тўлови 2 карра камайтирилади.

Фан ўқитувчилари каби бошланғич таълим ўқитувчиларига ҳам миллий сертификат бериш тизими жорий қилинади, сертификат олганларга ойига 15 фоиз устама тўланади.

Бакалаврни имтиёзли диплом билан битириб мактабга ишга кирганларга автоматик равишда 2-малакали, магистрларга эса 1-малакали тоифа берилади.

Дунёнинг ТОП-300 талик олийгоҳларига кирган педагогларга 20 минг долларгача имтиёзли таълим кредити ажратилади.

Рейтингда ТОП-100 талик мактаб ва боғча, ТОП-20 талик техникум, ТОП-10 талик олийгоҳ педагогларига йилига бир марта Ўзбекистон бўйлаб саёҳат учун самолёт ва поезд чипталарига 15–20 фоиз чегирма берилади.

• Imtiyoz
• Pedagog
• Президент
• Ташриф
• Toshkent viloyati