Қирғизистон парламенти спикери Нурланбек Шакиев рус ва инглиз тилларидаги мультфильмларни блоклашга чақирди.

“Болалар телефонларида кўраётган барча мультфильмлар рус тилида, қирғиз тилида бирорта ҳам мультфильм йўқ. Рус ва инглиз тилларида мультфильмларни блоклаш керак бўлади. Тилимизни сақлаб қолиш учун бугундан иш бошламасак, эртага тилимиз йўқолади”, - деди Шакиев.

Парламент спикери депутатларни қирғиз тилида сўзлашга ва номларни айтишга чақирди, чунки кўп сўзлар руслашиб, араблашган. Унинг таъкидлашича, одамлар болаларига асосан арабча исм қўйишади ва арабча исмлардан фойдаланишади, гарчи “чиройли қирғиз исмлари” жуда кўп.

“Нафақат тил йўқолиб қолиши мумкин, балки қирғизча номларни ҳам йўқотамиз”, - деди Шакиев.

• Мактаб
• Қирғизистон