Қирғизистон бош вазири Оқилбек Жапаров йиғилишлардан бирида махсус баёнот билан чиқди: у расмийларга тўйга боришни тақиқлади. Бу ҳақда “Zakon.kz” хабар берди.

Вазирлар Маҳкамаси раҳбарининг сўзларига кўра, Президент Садир Жапаровнинг барча фармон ва топшириқлари ўз вақтида ва самарали бажарилиши шарт.

Шу боис, у давлат раҳбарининг тўй вақтида чорваларни сўйиш ва исрофгарчиликни тақиқловчи қарорига алоҳида тўхталган.

Маълумот учун, 2022 йилда Қирғизистон президенти тадбирлар вақтидаги чекловлар тўғрисидаги қонунни имзолаган эди. Ундан кўзланган мақсад фуқароларнинг ижтимоий-иқтисодий турмуш даражасини ошириш, шунингдек, жамиятдаги маънавий муҳитга салбий таъсир кўрсатувчи диний маросимлар ва бошқа тадбирларни ўтказишда исрофгарчиликнинг олдини олишдан иборат.

• Қарор
• Қирғизистон
• Қонун