Қирғизистонда коррупцион жиноятлар учун судланган шахсларга юқори давлат лавозимларида ишлашни умрбодга тақиқлашни таклиф қилувчи тегишли ҳужжат Жогорку Кенешда тақдим этилди. Бу ҳақда 24.kg маълум қилди.  

Ушбу қонун лойиҳасини депутат Женишбек Токторбаев ишлаб чиққан. Унда  давлат ва маҳаллий бошқарув органларида коррупцияга қарши курашни кучайтириш назарда тутилади.  Лойиҳага кўра, коррупсионер фуқаролар судланганлиги олиб ташланган ёки ташланмаганидан қатъи назар, президент, парламент депутати ёки вазирлар маҳкамаси аъзоси лавозимларини эгаллаш ҳуқуқига эга бўлмайди.

Шунингдек, Токторбаев қабул қилинган чораларга қарамай, давлат органларида коррупция даражаси ҳамон юқори эканини айтган. Умрбод тақиқ давлат аппаратини “виждонсиз амалдорлардан тозалаш” ва уларнинг кейинги коррупцион фаолиятининг олдини олишга қаратилган.

Қонун лойиҳаси орқали “Президент ва Жогорку Кенеш депутатлари сайлови тўғрисида”ги ҳамда “Вазирлар Маҳкамаси тўғрисида”ги конституциявий қонунларга ўзгартишлар киритишни таклиф этилмоқда.

• Japarov
• Коррупция
• Қирғизистон