Кўпкари бўйича Қирғизистон президенти кубоги финалидан сўнг оммавий тартибсизликлар юз бергани айтилмоқда.

Асосий баҳсда “Достук” ва "Интимак" жамоалари тўқнаш келган. 2:1 ҳисобидаги ғалабадан сўнг, айримлар ҳакамнинг қароридан норози бўлишган ва одамлар ўйиндан кейин майдонга югуриб тушишиб, баъзилари тош отишни бошлаган.

Ўш вилояти ички ишлар бошқармаси суриштирув ишларини бошлаб юборган.

Тадбирда Қирғиз президенти ҳам иштирок этаётган бўлган.
Бош прокурор ва Халқаро кўпкари ассосиациясининг вақтинчалик раҳбари Қурманқул Зулушев ҳам воқеани кузатиб турган.

Ўшдаги тартибсизликлардан сўнг Ички ишлар вазирлиги қирғиз халқини минтақалараро адоватни қўзғатмасликдан огоҳлантирган.

Қайд этилишича, сўнгги пайтларда ижтимоий тармоқларда турли провокацион материаллардан иборат хабарлар пайдо бўлган. Ички ишлар вазирлиги ушбу постлар ва аудиоёзувлар муаллифларини қидирмоқда.

Қайд этилишича, бундай материалларни тарқатиш 200 минг сўмгача жарима ёки 5 йилгача озодликдан маҳрум қилиш билан жазоланади.

• Қирғизистон
• Sadir Japarov
• Tartibsizlik