Индонезиянинг Ява ороли шарқида жойлашган Семеру вулқонида иккита отилиш содир бўлди.

Antara News хабарига кўра, Семеру вулқонини кузатиш бўлими расмийлари вулқон бир кунда икки марта отилганини маълум қилган.

“Маҳаллий вақт билан соат 5:01 да содир бўлган портлаш тахминан 140 сония давом этган, бироқ визуал тарзда қайд этилмаган”, – дейилади хабарда.

Расмийларнинг хабар беришича, биринчи портлашдан кейин маҳаллий вақт билан соат 09:28 да 145 сония давом этган яна бир портлаш содир бўлган ва тоғдан отилиб чиққан кул тахминан 500 метр баландликка кўтарилиб, жануби-ғарбий томонга силжиган.

Расмийлар Семеру вулқонининг ҳали ҳам “2-огоҳлантириш” даражасида эканлигини ва саммитдан 8 километр узоқликдаги Бесук Кобокан минтақаси бўйлаб жануби-шарқий қисмида барча фаолиятлар тақиқланганлигини билдирди.

“Тинч океанининг олов ҳалқаси” зилзила ва вулқон зонасида жойлашган Индонезияда 130 га яқин фаол вулқон мавжудлиги маълум қилинди.

• Indoneziya
• Вулқон