Аргентина миллий терма жамоаси ва АҚШнинг “Интер Маями” клуби ҳужумчиси Лионель Месси терма жамоадаги фаолияти аста-секин якунига етмоқда деб ҳисоблайди:

“Мен илгари ҳам айтганимдек, ЖЧ да яна ўйнайманми ёки йўқми билмайман. Ёшимни ҳисобга олсак, мен у вақтларгача етиб бормасам керак.

Лекин биз ҳозир ЖЧ га жуда яқинмиз. Ҳар доим айтганимдек: кунма-кун, ўйиндан-ўйинга яшайман. Мен ўзимни қандай ҳис қилсам, кейин шунга қараб қарор қабул қиламан.

Кун сайин ўзимни яхши ҳис қилишга ҳаракат қиляпман, ва энг муҳими ўзимга ишоняпман. Агар яхши ҳолатда бўлсам – завқ оламан, лекин агар бундай бўлмаса ва ўзимни яхши ҳис қилмасам, мундиалда ўйнамасликни афзал кўраман.

Шундай экан, кўрамиз, ҳали бу борада якуний қарор қабул қилмаганман. Умид қиламанки, 2026 йилда яхши тайёргарлик кўраман ва АҚШ даги мусобақани яхши якунлайман ва шундан сўнг сўнгги қароримни қабул қиламан”

• Аргентина
• Футбол
• Месси
• терма жамоа