Қўқон педагогика институти ётоқхонасида бўлган воқеа юзасидан Олий таълим, фан ва инновациялар вазирлиги расмий баёнот берди.

Қайд этилишича, вазирлик инсон шахсий ҳаётига ўзбошимчалик билан аралашиш, шахсий маълумотларни очиқлашга уриниш каби хатти-ҳаракатларни қаттиқ қоралайди, ушбу ҳолатни талаба-қизларнинг шаъни ва қадр-қимматини камситиш деб баҳолайди.

Ҳеч кимнинг инсон эрки ва шахсий ҳаётига дахл қилишга ҳақи йўқ, деб ҳисоблайди.

Маълум қилинишича, шу боис, бевосита жараёнда иштирок этиб, хизмат вазифасини суиистеъмол қилган 4 нафар масъул ходим, жумладан, воқеада бевосита иштирок этган проректор эгаллаб турган лавозимидан озод этилди ва бир нафар мутахассисга интизомий жазо чораси қўлланилган.

Таъкидланишича, воқеа иштирокчиси бўлган қизларнинг тазйиқсиз таълим олишлари кафолатланади. Келтирилишича, ҳуқуқ-тартибот органлари томонидан текширув ишлари давом этмоқда.

• Институт
• Oliy ta'lim, fan va innovatsiyalar vazirligi
• Qo'qon
• rasmiy munosabat