Олий Мажлиснинг Инсон ҳуқуқлари бўйича вакили (омбудсман)нинг Қорақалпоғистондаги минтақавий вакили Қўнғирот туманидаги 27-сон Манзил-колониясига борганида маҳкумлар меҳнат ҳуқуқларининг бузилаётганлиги бўйича шикоят қилишган.

Шундан сўнг, у маҳкумларнинг шартнома асосида меҳнатга жалб этилган 3 та МЧЖлардаги меҳнат ва яшаш шароитларини ўрганиб чиққан.

Ўрганишлар давомида эса ушбу корхоналардаги шароитлар белгиланган талабларга жавоб бермаслиги ва 100 нафардан ортиқ маҳкумларнинг ойлик маошлари тўлаб берилмагани маълум бўлган.

Ҳозирда ҳолат Омбудсман назоратига олинган бўлиб, ҳолатни бартараф этиш юзасидан ИИВ ҳузуридаги Жазони ижро этиш департаментига тақдимнома киритилди.

• Маҳкум
• Омбудсман
• Қорақалпоғистон