Қозоғистон Республикаси Адлия вазирлиги Республика Хусусий суд ижрочилари палатаси билан ҳамкорликда Тараз шаҳрида оптималлаштирилган ижро процессларини жорий этиш бўйича пилот лойиҳасини ишга туширди.Бу ҳақда “Kazinform” хабар берди.

Қайд этилишича, бугунгача фуқаролар жаримани ўз вақтида тўламаган тақдирда, хусусий суд ижрочисига жариманинг 25 фоизигача тўлашлари шарт бўлган. Энди бу хизматни робот бепул амалга оширади.

Янги лойиҳа туфайли фуқаролар 2 миллиард тенгегача маблағни тежашлари мумкин. Тизим алгоритми қуйидагича ишлайди:

· Бош прокуратуранинг Ҳуқуқий статистика ва махсус ҳисобга олиш қўмитаси маъмурий ҳуқуқбузарликлар учун 50 кун ичида тўланмаган жарималарни ундириш тўғрисида қарор юборади.

· Робот 5 календарь кун ичида талабни бажариш зарурлиги ҳақида SMS-хабар юборади.

· Агар жаримани ихтиёрий равишда тўлов амалга оширилмаса, тизим хусусий суд ижрочисига ижро варақасини таклиф қилади.

· Тўлов ўз вақтида амалга оширилган тақдирда, ижро иши қўшимча харажатларсиз тугатилади.

Лойиҳа муваффақиятли амалга оширилса, Қозоғистоннинг бутун ҳудудида амалга оширилиши режалаштирилган.

• Жарима
• Қозоғистон
• робот