Қозоғистон ҳудудига Россия қўллаётган “Шаҳед” дронларига ўхшаш дрон қулаб тушди. Бу ҳақда “Zakon” нашри хабар бермоқда.

Қайд этилишича, Ғарбий Қозоғистон вилояти полиция департаменти ваколатли хизматлар билан биргаликда Тасқалин туманида учувчисиз учиш аппаратига ўхшаш буюм топилгани бўйича текширув ишларини олиб бормоқда.

Таъкидланишича, объект аҳоли пунктларидан узоқда, чекка ҳудудга қулаб тушган ва бутун ҳолатда ҳеч қандай шикастларсиз топилган.

Гувоҳларнинг айтишича, унинг узунлиги тахминан 3 метрни ташкил қилади. Корпусидаги ёзувларга кўра, бу “Геран-2” бўлиши мумкин.

“Ҳозирда воқеанинг барча тафсилотлари ўрганилмоқда”, – дейилади хабарда.

• Қозоғистон
• дрон