Чеченистон раҳбари Рамзан Қодировнинг катта ўғли Ахмат республиканинг жисмоний тарбия ва спорт вазири этиб тайинланди.

“Жисмоний тарбия ва спорт вазири лавозимига Ахмат Қодиров тайинланди. Илгари ушбу лавозимни эгаллаган Исо Иброҳимов бош ва ҳукумат маъмурияти раҳбарининг ўринбосари лавозимига ўтказилди”, – деб ёзган Рамзан Қодиров Телеграм каналида.

18 ёшли Ахмат Қодиров 2022 йилдан Чеченистон раҳбарининг маслаҳатчиси, Россия болалар ва ёшлар ҳаракатининг минтақавий раиси бўлиб ишлаган.

2023 йил ноябр ойида у Чеченистон жисмоний тарбия вазирининг ўринбосари, феврал ойида эса ёшлар ишлари вазири этиб тайинланди. У республика парламентининг “Ватан шарафи” олий ордени ва Қодиров ордени билан мукофотланган.

Ахмат Қодиров ноябр ойида 19 ёшга тўлади.

• Checheniston
• Ramzan Qodirov