Фарғона вилояти ҳудудий бошқармаси томонидан ўтказилган мониторнинг натижасида, “Шаффоф цемент саноат” МЧЖ томонидан 2023 йил январь-декабрь ва 2024 йил январь-июль ойларида 298 та ҳолатда 20 645 тонна цемент маҳсулотини биржа савдоларига қўймасдан тўғридан-тўғри шартномалар орқали сотилганлиги маълум бўлди. Бу ҳақда Рақобат қўмитаси маълум қилди.

Шунингдек, ушбу маҳсулотни 2023-2024 йиллар давомида сотиш кунларидаги нархлари 2023-2024 йиллар давомида биржа савдоларида шаклланган ўртача биржа котировка нархлари билан таққосланганда 298 та ҳолатда маҳсулот нархларини юқори қўллаш натижасида жами 669 млн сўмга яқин миқдорда тафовут ҳолатлари аниқланган.

Вазирлар Маҳкамасининг 170-сонли қарори билан тасдиқланган Низомга мувофиқ, “Юқори ликвидли ва (ёки) монополь маҳсулотларни тўғридан-тўғри шартномалар бўйича сотиш” ҳаракатлари манипуляция деб ҳисобланади.

Юқоридагиларга мувофиқ, Фарғона вилояти ҳудудий бошқармасининг Махсус комиссияси томонидан “Рақобат тўғрисида”ги Қонуннинг 29-моддаси талаблари бузилиши аломатлари билан “Шаффоф цемент саноат” МЧЖга нисбатан иш қўзғатилиб, натижаси юзасидан белгиланган тартибда тегишли таъсир чораси қўлланилган.

• Фарғона
• raqobat