Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитасининг Тошкент шаҳар ҳудудий бошқармаси томонидан “Тошкент шаҳар сув таъминоти”дан норози бўлиб қилган мурожаати ўрганиб чиқилган. Бу ҳақда Рақобат қўмитаси маълум қилди.

Мазкур мурожаатни ўрганиш жараёнида “Тошкент шаҳар сув таъминоти” ва “Узcарлсберг” ўртасида “Чиқинди сувларни шаҳар канализациясига чиқариш тўғрисида”ги коммунал-экологик норматив ҳужжат расмийлаштирилган. Унга кўра, “Узcарлсберг ”га чиқинди сувларни шаҳар канализациясига чиқариб юбориш учун сув ҳажми 68 фоиз коэффициент қўлланиши белгиланган. Бироқ, “Тошкент шаҳар сув таъминоти” томонидан “Узcарлсберг”га 76 фоиз коэффициент қўлланилганлиги натижасида 75 млн сўмга яқин ортиқча тўлов ҳисобланганлиги аниқланган.

Юқоридаги ҳолат бўйича, ҳудудий бошқарма томонидан “Тошкент шаҳар сув таъминоти”га нисбатан “Табиий монополиялар тўғрисида”ги Қонунинг 16-моддаси (табиий монополия субъектларининг товарларидан фойдаланиш шартларини тиқиштириш ёки табиий монополия субъектларининг белгиланган нархларда (тарифларда) ҳисобга олинмаган ҳақ ундириш эвазига даромад олишга олиб келадиган бошқача хатти-ҳаракатларни содир этиш ман этилади) талабларини бузганлик аломатлари мавжуд деб белгиланган тартибда иш қўзғатилган.

• Suv ta’minoti
• Тошкент