Кеча, 8 февраль оқшомида Европанинг бир нечта гранд клублари турли мусобақалар доирасида ўз ўйинларини ўтказишди. Хусусан, «Реал Мадрид» клублар ўртасидаги жаҳон чемпионатида финалга йўл олди.

ЕЧЛнинг амалдаги ғолиби, Африка Чемпионлар Лигаси финалчиси «Ал Аҳли»ни 4:1 ҳисобида мағлубиятга учратди.

Мадрид клуби соврин учун Осиё вакили «Ал Ҳилол»га қарши тўқнаш келади. Беллашув 11 февраль куни ўтказилади. Шу куни «Ал Аҳли» «Фламенго» клублари 3-ўрин учун баҳс олиб боришади.

Клублар ўртасидаги ЖЧ | Яримфинал | 8 февраль

«Ал Аҳли» (Миср) — «Реал Мадрид» (Испания) 1:4

Голлар: Маълул (65, пенальти) — Винисиус (42ʼ), Валверде (46ʼ), Родриго (90+2ʼ), Аррибас (90+8ʼ).

Шунингдек, кеча Франция Кубоги 1/8 финал босқичида иштирок этган ПСЖ мусобақани тарк этди.

«Марсел» ўз майдонида 2:1 ҳисобида ғалаба қозониб, Лига 1 пешқадамини турнирдан чиқариб юборди. Шу тариқа, Париж клуби қаторасига иккинчи йил мусобақани 1/8 финалдаёқ тарк этди.

Франция Кубоги | 1/8 финал | 8 февраль

«Марсел» — ПСЖ 2:1

Голлар: Санчес (31ʼ, пенальти), Малиновский (57ʼ) — Рамос (45+2ʼ).

Германия Кубогида ҳам 1/8 финал босқичи баҳслари ўтказилди. Унда «Боруссия Дортминд» меҳмонда «Бохум»дан минимал ҳисобда устун келди ва мусобақанинг 1/4 финал босқичига йўл олди.

Германия Кубоги | 1/8 финал | 8 февраль

«Бохум» — «Боруссия Дортминд» 1:2

Голлар: Штегер (64ʼ, пенальти) — Жан (45+1ʼ), Ройс (70ʼ).

Ўз навбатида, Англия чемпионатининг 8-туридан ўрин олган қолдирилган баҳсда «Манчестер Юнайтед» ўз майдонида «Лидс»ни қабул қилиб, мағлубиятдан аранг қутулиб қолди.

Шу тариқа Эрик Тен Хаг бошчилигидаги жамоанинг «Олд Траффорд»даги 13 ўйинлик ғалабали серияси якунланди.

Англия Премьер-лигаси | 8-тур | 8 февраль

«Манчестер Юнайтед» — «Лидс» 2:2

Голлар: Решфорд (62), Санчо (70) — Нонто (1), Варан (48, автогол).

• Боруссия
• Футбол
• Manchester Yunayted
• PSJ
• Real