«Реал» раҳбарияти ПСЖ ҳужумчиси Килиан Мбаппенинг келажаги борасидаги ноаниқликдан тўйган, деб хабар беради Marca.

Манбага кўра, мадридликлар Мбаппенинг эҳтимолий трансфери билан боғлиқ вазиятдан аллақачон чарчаган, клуб энди Килианнинг сўзларига ишонмайди.

«Реал Мадрид» бу ёзда Франциялик футболчи ПСЖни тарк этишга қарор қилса, унга даъвогарлик қилишни режалаштирмаяпти.

Шу билан бирга, «Қироллик клуби» ПСЖ ҳеч қачон Мбаппега бўлган талабларини камайтирмаслигини тушунади. Шу боис «қаймоқранглилар» ёзда Париж клуби билан футболчи сотиб олиш борасида музокара олиб боришни истамаяпти.

Маълумот ўрнида, Мбаппе Франция чемпионатининг жорий мавсумида 23 та ўйинда майдонга тушиб, 19 та гол ва 3 та голли узатмага муаллифлик қилган.

• Футбол
• Mbappe
• Real
• Трансферлар