31°
Кечаси 18°
Бир неча кун аввал, португалиялик футболчи Саудия Арабистони клуби билан 2025 йилнинг ёзига қадар шов-шувли шартнома имзолади.
Кеча «Mrsool Park» стадионида футболчининг расмий таништирув-тақдимот маросими бўлиб ўтди ва унда Роналду фаолиятидаги янги давр ҳақида гапирди.
–Европани забт этдинг. Энди Осиёда янги даврни бошлаш арафасидасан. Саудия Арабистонида бўлиш қандай ҳиссиёт уйғотяпти?
–Ҳозирча ҳаммаси яхши. Футбол ва ҳаётимдаги бу муҳим қарорни қабул қилганимдан фахрланаман.
Аввал айтганингиздек, Европада менинг ишим тугади. Мен ҳамма нарсани ютдим, Европанинг энг йирик клубларида ўйнадим. Энди сиз айтганингиздек, Осиёда менда янги чақирув бор.
«Ал-Наср» менга нафақат футбол ривожи, балки янги авлод, аёллар, ёш иқтидорлар учун ҳам шундай имконият берганидан хурсандман. Бу мен учун янги чақирув, лекин шу билан бирга мен хурсандман ва жуда фахрланаман.
Роналду Европа клубларидан таклифлар олганини ҳам айтди.
–Криштиану, сен доим шуҳратпараст бўлгансан. Саудия Арабистонида майдонда ва ундан ташқарида нимага эришмоқчисан?
–Айтганимдек, бу мен учун нафақат ажойиб футбол имконияти, балки янги авлоднинг менталитетини ўзгартириш имкониятидир.
Буни ҳеч ким билмайди, лекин ҳозир айтишим мумкин: менга Европа, Бразилия, Австралия ва АҚШдан кўплаб таклифлар бор эди. Португалияда ҳам кўплаб жамоалар мени қўлга киритишга ҳаракат қилишди, лекин мен бу клубга нафақат футболни, балки бу ажойиб мамлакатда бошқа нарсаларни ҳам ривожлантиришга сўз бердим.
Мен учун бу жиддий синов. Мен нимани хоҳлаётганимни биламан ва нимани хоҳламаслигимни ҳам. Мен учун бу ниманидир ўзгартириш, билим ва тажрибам билан кўплаб муҳим жиҳатларни ривожлантиришда ёрдам бериш учун яхши имкониятдир, — дейди португалиялик.
Португалиялик юлдуз, Саудия Арабистони чемпионати рекордларини янгилаш ниятини билдирди.
–Бу ноёб трансфер эканлигига барчамиз аминмиз. Аммо баъзилар Саудияга келишингни танқид қилишди. Биламан, бу сени қизиқтирмайди, лекин бу борадаги фикрингни эшитмоқчиман.
–Мен ноёб футболчиман, шунинг учун бу ерга келганим ажойиб. Мен Европада барча рекордларни синдирдим, шунинг учун бу ерда ҳам баъзиларини янгиламоқчиман. Мен учун бу ажойиб имконият.
Айтганингиздек, бу ноёб шартнома, чунки мен ноёб футболчиман. Бу мен учун нормал ҳолат, — дейди Роналду.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
