“Orda.kz”нинг хабар беришича, Рим папаси Франсиск тошқиндан жабр кўрган Қозоғистон аҳолисига ҳамдардлик билдириб, улар учун дуо қилишга чақирди.

Франсиск 10 апрель куни Ватиканда умумий йиғилишда тошқиндан азият чеккан қозоғистонликлар ҳақида тўхталган. Рим папаси католиклардан Қозоғистонда авж олган табиий офатдан жабр кўрганлар учун ибодат қилишни сўради.

У шунингдек, 2022 йил сентябрь ойида Қозоғистонга ташриф буюрганини эслаб, республика халқига “маънавий яқинлик” ҳис қилишини билдирди.

“Тошқин натижасида 90 мингга яқин аҳоли эвакуация қилинишга мажбур бўлди. Ушбу табиий офат оқибатларидан азият чекканлар учун дуо қилишга чақираман”, -  деди Франсиск.

• Қозоғистон
• Rim papasi
• Suv toshqini