Криштиану Роналду «Ювентус»ни судга беришга тайёр.

Сабаби, Турин клуби махфий келишув доирасида португалияликка ваъда қилинган 19,9 миллион еврони (бошқа маълумотларга кўра, 19,6 миллион) ҳалигача тўламаган.

Томонлар ўртасидаги мазкур битим, 2022 йил 23 март куни тинтувлар чоғида Туриндаги адвокат Федерико Рестанонинг офисида топилган эди. Тўлов Криштиану кетган тақдирда ҳам тўланиши ваъда қилинган.

Гап «Юве»нинг ковид даврида баъзи футболчилар билан тузган келишуви ҳақида кетмоқда. Яъни улар бир мунча вақт ўтгач, норасмий равишда пул олиш учун маошларнинг қисқаришига рози бўлишган.

Эслатиб ўтамиз, 2018 йилнинг ёзида Роналду «Ювентус» билан йилига 31 миллион евро эвазига 3 йиллик шартнома имзолаган эди. 2021 йилнинг августида португалиялик Турин клубини тарк этди.

• Футбол
• Роналду
• Суд