31°
Кечаси 18°
Россия Давлат думаси “Толибон”ни террорчилик ташкилотлари рўйхатидан чиқариш тўғрисидаги қонун лойиҳасини биринчи ўқишда қабул қилди.
Ушбу қонун қабул қилинса, “Толибон” Россияда террорчилик фаолияти тақиқланган ташкилотлар рўйхатидан ўчирилади.
Қонун лойиҳаси Давлат думасига 25 ноябрь куни киритилган ва ҳукумат ҳам уни қўллаб-қувватлаган.
Бу Давлат думасининг Хавфсизлик ва коррупцияга қарши кураш қўмитаси томонидан тасдиқланган.
“Толибон” 2003 йилда БМТ Хавфсизлик Кенгаши томонидан террорчи ташкилотлар рўйхатига киритилган. Шунингдек, Россия Олий суди ҳам “Толибон”ни террорчи ташкилот деб тан олган ва мамлакат ҳудудида унинг фаолиятини тақиқлаган. 2021 йилнинг август ойида Афғонистоннинг собиқ президенти Ашраф Ғани мамлакатни тарк этгандан сўнг “Толибон” Кобулни жангсиз эгаллаган. 2021 йилнинг сентябрь ойида “Толибон” Афғонистон ҳукумати таркибини эълон қилгандан бир ой ўтиб, Путин Россия “Толибон”ни террорчилар рўйхатидан ўчириш қарорига яқинлигини билдириб, буни биринчи навбатда БМТ Хавфсизлик Кенгаши қилиши кераклигини таъкидлаган эди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
