Россия 5 октябрь куни Украинага навбатдаги зарбасини йўллади. Уюштирилган ракета зарбаси оқибатида камида 51 киши, жумладан, бир бола ҳалок бўлган.

Украина ички ишлар вазири Иҳор Клименконинг сўзларига кўра, Москва кучлари маҳаллий вақт билан тушдан кейин Харков вилояти Хроза шаҳридаги кафе ва дўконни нишонга олган.

Ракета урилган вақтда дўкон ичида маҳаллий аҳоли бўлган. Бу 2022 йил бошида Краматорскдаги темир йўл вокзалига уюштирилган ҳужумдан бери кузатилмаган вайронагарчиликларни келтириб чиқарган.

Расмийларнинг сўзларига кўра, бу зарба уруш бошланганидан бери тинч аҳолига қарши уюштирилган энг қонли ҳужумлардан бири бўлган.

Украина расмийларига кўра, Ҳроза “Искандер” ракетаси билан урилган.

Маълумот учун, “Искандер” - нисбатан қисқа масофага учадиган баллистик ракета бўлиб, конфигурациясига қараб 500 дан 700 килограммгача бўлган жанговар каллакни олиб юради. У руслар томонидан Украинага қарши кенг қўлланилади ва тинч аҳолининг катта қурбонларига сабаб бўлади.

• Raketa
• Россия
• Украина