Украина томони 150 нафар ҳарбий хизматчини олганлиги ҳақида маълум қилган. Кейинчалик “150 дан 150 гача” формуласи бўйича алмашинувни Россия Мудофаа вазирлиги ҳам тасдиқлади. Томонлар январь ойида “25 дан 25 гача” формуласи бўйича маҳбусларнинг охирги алмашинувини ўтказган эди.

“Россия ва Украина ҳарбий асирларни алмашди. Шунингдек, Украина томони 150 кишини олди”, – дейди Украина президенти идораси раҳбари Андрей Эрмак ўз Телеграм каналида.

Украина президенти Владимир Зеленский ҳам 150 нафар украиналик ҳарбийларнинг қайтиши ҳақида хабар берган. Бироқ, бироздан сўнг, иккала хабар ҳам — Эрмак ва давлат раҳбарининг Telegram каналларидан ғойиб бўлган.

Украина томонига топширилганлар орасида турли хил қўшинлар, шу жумладан Мариупол ва Запороже вилоятида асирликка олинган ҳарбий хизматчилар ҳам бўлган. “Улардан баъзилари қарийб икки йил давомида асирликда бўлди”, – дейилади Украина президентининг Telegram каналидаги хабарда.

• Россия
• Украина