Россия Тергов қўмитасининг Москва вилоятининг Истра шаҳри бўлинмаси берган хабарга к ўра, савдо дўконига босқинчилик уюштириб, сотувчи аёлга оғир тан жароҳати етказган ва оқибатда аёлнинг ўлимига сабаб бўлган. Улар Россия Федерацияси Жиноят кодексининг 162-моддаси 4-қисми ва 111-моддаси 4-қисми билан айбланмоқда.

Тергов маълумотларига кўра, 2022 йил 9 феврал куни тунда бейсбол таёқлари билан қуролланган 4 нафар мигрант дўконга кириб келган. Босқинчилар дўкон бошлиғи ва унинг рафиқасига, шунингдек, сотувчи-кассирга ҳужум қилган.

Босқинчилар уларни “бита”ларда бир неча бор уришган ва кассадан 96 минг рублни ўғирлаб, жиноят жойидан қочиб кетишган. Олган тан жароҳатлари оқибатида 51 ёшли сотувчи-кассир воқеа жойида вафот этган. Дўкон мудири ва унинг рафиқаси эса касалхонага ётқизилган.

Ҳуқуқ тартибот органларининг тезкор-қидирув тадбирлари натижасида гумондор тўрт киши – уч нафар босқинчи ва уларнинг ҳайдовчиси қўлга олинган. Уларнинг 18-41 ёшлар оралиғидаги Тожикистон фуқаролари эканлиги айтилмоқда.

Тергов қўмитасига кўра, тергов гумонланувчиларнинг Россияда бўлиши қонунийлиги текширилади ва уларнинг Москва вилоятида бўлиши устидан назоратни баҳолайди. Ҳозирда тергов ҳибсга олинганларни шу каби жиноятлар учун текширмоқда.

• Босқинчилик
• Жиноят
• Миграция
• Россия