Ўзбекистон президенти ёрдамчиси Саида Мирзиёева Халқаро хотин-қизлар куни арафасида турли жабҳаларда юқори марраларни эгаллаб келаётган аёллар билан кўришди.

“Халқаро хотин-қизлар куни арафасида турли жабҳаларда фаолият олиб бораётган, ўзи юксак марраларни эгаллабгина қолмай, бошқаларни ҳам мақсад ва орзулар сари илҳомлантираётган ажойиб аёллар билан кўришдик.

Учрашув давомида тажрибамиз, ютуқларимиз, мотивация ва муваффақият сирлари билан ўртоқлашдик. Шунингдек, маданий, ижтимоий ва бошқа соҳаларда тез-тез учраётган, ҳали ҳам ечимини топмаган муаммоларни кўриб чиқдик”, — деб ёзди у ижтимоий тармоқдаги саҳифасида.

Саида Мирзиёева Ўзбекистонда матонатли, қатъиятли хотин-қизлар кўплигидан хурсандлигини айтиб, муаммоларни кўтаришдан чўчимайдиган, уларни ҳал этишга интиладиган аёлларга миннатдорчилик билдирди.

“Юртимизда ана шундай самимий, меҳрибон, матонатли, қатъиятли хотин-қизлар кўплигидан хурсандман. Улар ўзларини тўлақонли намоён этиб, мақсадлари йўлида дадил қадам қўймоқдалар. Муаммоларни кўтаришдан чўчимайдиган, уларни ҳал этишга интилиб, бугунимиз ва келажагимизни ўзгартиришга ҳисса қўшаётган ҳар бир опа-синглимизга миннатдорлик билдираман”, — деди у.

• Аёллар
• Саида Мирзиёева
• uchrashuv