Уларнинг вафотига ароқдан заҳарланиш сабаб бўлган бўлиши мумкин.

Самарқанд шаҳрида 13 киши қўлбола ароқдан заҳарланиб ўлгани ҳақида хабарлар тарқалди. Бош прокуратура ахборот хизмати раҳбари Ҳаёт Шамсутдиновнинг Хабардор.узъга берган дастлабки маълумотга кўра, 5 киши вафот этган.

Улар шаҳарнинг турли маҳаллаларида яшовчи 63, 50, 72, 39 ва 56 ёшдаги эркаклар бўлиб, 11 январь куни тўрт нафари ўз яшаш хонадонида, яна бири шифохонада вафот этган. Қайд этилишича, эркакларнинг баъзилари спиртли ичимликка ружу қуйган шахслар бўлган.

Айни пайтда ҳолат юзасидан терговга қадар текширув ҳаракатлари олиб борилмоқда. Марҳумларнинг ўлими сабабини аниқлаш учун экспертиза тайинланган.

• Самарқанд
• Заҳарланиш