Самарқанд вилояти Паяриқ туманида яшовчи 29 ёшли Н.Т. Киберхавфсизлик марказига ариза билан мурожаат қилиб, пластик картасидан 8.542.500 сўм миқдоридаги пули номаълум шахс томонидан яширин тарзда талон-торож қилинганлигини маълум қилган.

Ўтказилган тезкор-қидирув тадбирлари натижасида, ушбу жиноятни Н.Т.га таниш бўлган Самарқанд вилояти, Нуробод туманида яшовчи 29 ёшли А.А. томонидан, Н.Т.га тегишли бўлган мобил қурилмани қўлга киритиб, унга ўрнатилган илова орқали пулларни бошқа пластик картага ўтказганлиги ҳамда ўғирланган пул маблағларини «1Хбет» таваккалчиликка асосланган қимор ўйинига тикиб юборганлиги аниқланган.

Маълум қилинишича, жиноят содир этган А.А. Ўзбекистон Республикаси ЖКнинг 169-моддаси 3-қисми билан жиноий жавобгарликка тортилган.

• Киберхавфсизлик
• Қимор
• Самарқанд