Самарқанд вилоятининг Ургут туманида хотинини шафқатсизларча ўлдиришда айбланган эркакка суд ҳукми ўқилди.

Бу ҳақда Олий суд матбуот хизмати хабар бермоқда. Ҳодиса 14 июль куни соат 21:00 атрофида содир бўлган. Эр-хотин ўртасида жанжал келиб чиқиши натижада судланувчи 23 ёшли хотинини ўлдирган.

У марҳумага кетмон билан бир неча маротаба зарба берган. Айбланувчи суд залида ушбу жиноятни “билмаган holda” содир этганлигини айтди. Мазкур қилмиши учун у Жиноят кодексининг 97-моддаси 2-қисмининг “ж” бандига кўра айбдор деб топилиб (қасддан қотиллик), 19 йилга озодликдан маҳрум қилинди.

• Жиноят
• Самарқанд