Жорий йилнинг 14 март куни соат 22:50 да Самарқанд шаҳри Шоҳрух Мирзо кўчасида жойлашган вилоят Мактабгача ва мактаб таълими бошқармаси тасарруфидаги кутубхонада ёнғин содир бўлганлиги тўғрисида вилоят ФВБга хабар берилган.

Шунга кўра, 6 та ёнғин қутқарув экипажлари жалб қилиниб, воқеа жойига соат 22:57 да етиб бориб, соат 23:55 да ёнғин тўлиқ бартараф этилган.

Ёнғин натижасида бинонинг шифт ва том қисми қисман ёниб зарарланган.

Ҳодиса оқибатида жабрланган ва ҳалок бўлганлар йўқ.

Ҳозирда терговга қадар текшириш ишлари олиб борилиб, ёнғиннинг келиб чиқиш сабаби аниқланмоқда.

Ушбу ёнғин кутубхонанинг маъмурий биносида содир бўлган ҳамда кутубхонадаги китобларга ҳеч қандай зарар етмаган.

• Kutubxona
• Maktabgacha va maktab ta'limi vazirligi
• Самарқанд
• ёнғин