Парагвайнинг “Колорадо” консерваторлар партияси номзоди Сантьяго Пенья мамлакатнинг янги президенти этиб сайланди. Унинг номзоди учун сайловчиларнинг 43 фоизи овоз берган.

Пеньянинг асосий рақиби – мухолифатчилар етакчиси Эфраина Алегре номзодини эса сайловчиларнинг 27,5 фоизи қўллаб-қувватлаган. Таъкидлаш керакки, Пенья ҳам 20 йил мобайнида мухолифатчилар партияси аъзоси бўлган, 2016 йилга келибгина “Колорадо” партияси аъзолари сафига қўшилган.  

Пенья президентлик лавозимида 15 августдан расман иш бошлайди ва ўзидан аввалги президент – консерваторлар етакчиси Марио Абдо Бенитеснинг ўрнини эгаллайди.

• Жаҳон
• Президент
• Сиёсат
• хабар