Сурхондарё вилоятидаги “Сариосиё” аэропорти реконструкция қилинди. Бу ҳақда UzAirports хабар берди.

Аэропортда учиш-қўниш йўли, такси йўли ва перрон янгиланди. Узунлиги 1,55 минг м ва кенглиги 35 м бўлган чизиқ икки қатламли янги асфальт қопламаси билан мустаҳкамланди. Энди бу ерда АТР-72-600 самолётлари қўниши ва учиши мумкин.

Uzbekistan Airports компанияси учиш-қўниш йўли 1976 йилдан бери ишлаётганини ва капитал таъмирлашга муҳтожлигини таъкидлади. Биринчи техник парвоз аэродром самолётларни қабул қилишга тайёрлигини тасдиқлади.

Шунингдек, 100 йўловчига мўлжалланган янги терминал қурилиши деярли якунланди. Мунтазам рейслар бир ой ичида ишга туширилиши режалаштирилган.

• Сурхондарё
• Uzbekistan_Airports