Саудия Арабистонининг “Подшоҳ Салмон” номидаги инсонпарварлик ёрдами маркази юртимизга беғараз кўмак сифатида 25 тонна хурмо мевасини ҳадя қилди. Бу ҳақда Vaqf.uz хабар берди.

Хабарда айтилишича, ҳадя қилинган хурмо мевалари “Вақф” хайрия жамоат фондининг Қорақалпоғистон Республикаси, вилоятлар ва Тошкент шаҳридаги филиаллари томонидан ижтимоий кўмакка муҳтож, боқувчисини йўқотган, етим, ногиронлиги бор кишилар ҳамда “Мурувват” уйлари ва шифохоналардаги ҳақдор юртдошларимизга хайрия қилинади.

Хурмоларни Саудия Арабистонининг Ўзбекистондаги элчиси Юсуф Солиҳ Алгаҳра Ўзбекистон мусулмонлари идораси раисининг ўринбосари Зайниддин домла Эшонқулов, Диний идора раисининг Иқтисод ишлари бўйича маслаҳатчиси Алишер Эшимов ва “Вақф” хайрия жамоат фонди раҳбари Исохон Абдуллаевга топширди.

Ушбу ҳадяларни топшириш маросимида “Подшоҳ Салмон” номидаги инсонпарварлик ёрдами маркази вакиллари Аднан Хатим Асирий ва Алақил Абдулҳаким Саъад ҳам иштирок этган.

• Саудия Арабистони
• Vaqf