Сербия президенти Александр Вучич ўз мамлакатини Россия ва АҚШ президентлари Владимир Путин ва Доналд Трамп ўртасидаги музокаралари учун таклиф қилди.

“Мен биринчи марта Сербияни Россия ва АҚШ президентлари учрашадиган ҳудуд сифатида таклиф қилмоқчиман”, – деган мамлакат раҳбари.

Сербия президентининг сўзларига кўра, мамлакат НАТО ва КХШТ каби ҳарбий блокларга аъзо эмас ва бу музокаралар учун қулай бўлиши мумкин. Вучич иккала президентга ҳам тўлиқ хавфсизликни кафолатлашга тайёр. Бундан ташқари, президент Трампни қўллаб-қувватлаш бўйича Сербия билан тенглашадиган мамлакат йўқлигини таъкидлаган. “Бошқа томондан, бу Путин жуда машҳур бўлган мамлакат”, – деган Вучич.

Аввалроқ, Қўшма Штатлар Россия ва АҚШ раҳбарларининг учрашуви учун тайёргарлик кўрилаётганини маълум қилган эди.

• АҚШ
• Музокара
• Путин
• Россия
• Сербия
• Трамп