Тошкент шаҳар Сергели туманида ёнғин содир бўлгани акс этган видео ижтимоий тармоқларга тарқалди. Мазкур ҳолат юзасидан Тошкент шаҳар ФВБ Матбуот хизмати изоҳ берди.

Қайд этилишича, бугун, 13 июнь куни соат 11:49 да Тошкент шаҳар Сергели тумани 6А даҳасида очиқ майдонда қуруқ ўт ва шох-шабба ёниб кетган. Ҳодиса содир бўлган жойга 2 та ёнғин-қутқарув экипажи соат 11:43 да етиб бориб, ёнғин соат 11:55 да ўчирилган.

Содир бўлган ёнғин натижасида очиқ майдонда қуруқ ўт ва шох-шабба ҳамда 1 та носоз ҳолда турган юк автомобили ёниб зарарланган.

Ҳозирда ёнгин ва моддий зарар миқдори аниқланмоқда. Ҳодиса оқибатида тан жароҳати олган ва ҳалок бўлганлар тўғрисида ФВБга маълумот келиб тушмаган.

• Sergeli
• Тошкент