Божхона қўмитаси Тошкент шаҳридаги “Inter logistics” МЧЖга қарашли омборда содир бўлган ёнғин юзасидан маълумот берди.

Ушбу омбор тадбиркорлик субъектига тегишли бўлиб, Божхона қўмитаси вакиллари ҳам воқеа жойида бўлиб туришгани айтилмоқда.

Ёнғин сабаблари тегишли идоралар билан ҳамкорликда ўрганилиб қўшимча маълумот эълон қилинади.

Ушбу ёнғин оқибатида жароҳатланганлар Республика шошилинч тиббий ёрдам илмий маркази ва унинг Тошкент вилояти филиалига олиб борилган.

ССВ матбуот хизматидан олинган маълумотга кўра, ҳозирга қадар улар орасида ўта оғир тан жароҳати олганлар йўқ. Айни пайтда шифокорлар томонидан жабрланганларга барча керакли тиббий ёрдам кўрсатилаётгани айтилмоқда.

Даволаш муассасаларида тезкор тиббий ёрдам кўрсатиш учун шифокорлар ва барча зарур дори-дармон заҳираси яратилган. Ёнғин оқибатида воқеа жойи ва унинг атрофидаги хонадонларда жароҳатланганларга ҳам шошилинч тиббий ёрдам кўрсатилмоқда.

Ҳодиса юзасидан қўшимча маълумот тақдим этамиз.

• Божхона
• SSV
• Sergeli
• Тошкент
• portlash
• ёнғин