Ташриф дастурига мувофиқ, Ўзбекистон Республикаси президенти Шавкат Мирзиёев Ал-Кувайт шаҳридаги “Ас-Салом” сарой-музейига ташриф буюрган.

Сарой 1960-1964 йилларда ўзига хос араб меъморчилиги услубида бунёд этилган ва 1990 йилгача Кувайтга ташриф буюрган хорижий раҳбарлар учун расмий қароргоҳ бўлиб хизмат қилган.

2019 йилда саройда музей очилган бўлиб, унда 32 минг квадрат метр майдонда Кувайтнинг асрлик тарихи ва маданиятини акс эттирувчи ноёб экспонатлар намойиш этилмоқда.

Ўзбекистон раҳбари музей экспозицияси билан танишиб, унинг меъморий концепцияси ва замонавий инфратузилмасини юқори баҳолаган.

Ўзбекистон билан Кувайт маданий алмашинувларини, хусусан, музей иши ва тарихий асраш соҳасидаги алоқаларни кенгайтириш, қўшма гуманитар дастурларни амалга ошириш ва ўзаро кўргазмалар ташкил этиш муҳимлиги қайд этилган.

Якунда Ўзбекистон президенти музейнинг Фахрий меҳмонлар китобида дастхат ёзиб қолдирган.

• Президент
• Шавкат Мирзиёев
• Ташриф
• музей