Ўзбекистон Республикаси Президенти Шавкат Мирзиёевнинг Малайзияга расмий ташрифи доирасидаги тадбирлар якунланди.

Бугун Куала-Лумпур шаҳрида Ўзбекистон Президенти Бош вазир Анвар Иброҳим билан сермаҳсул музокара ўтказди.

Саммит якунида Келажак авлодлар учун стратегик шериклик йўлида икки томонлама ҳамкорликни чуқурлаштириш тўғрисида қўшма баёнот имзоланди ва ҳамкорликнинг турли соҳаларида салмоқли келишувлар тўплами қабул қилинди.

Давлат раҳбари ва Малайзия Бош вазири бизнес форумида иштирок этиб, “Петронас” компанияси президенти билан учрашди.

Маданий дастур доирасида Ўзбекистон етакчиси Малайзия Ислом санъати музейига ташриф буюрди.

Тадбирлар якунлангач, Куала-Лумпур халқаро аэропортида Шавкат Мирзиёевни Малайзия таълим вазири Замбри Абдулқодир ва бошқа расмий шахслар кузатиб қўйди.

• Malayziya
• Ўзбекистон
• Президент
• Шавкат Мирзиёев