Аввал хабар берилганидек, Тошкент шаҳрида ўтказилган шахмат бўйича «Рустам Қосимжонов турнири» баҳслари поёнига етди. Мусобақанинг 8-турига келиб ғолиб аниқ бўлди.

7-турда қора доналарда Нодирбек Абдусатторовни мағлубиятга учратган Жавоҳир Синдоров 8-турда жаҳон чемпиони Рустам Қосимжонов билан дуранг ўйнади. Ушбу натижаси орқали Синдоров 6,5 очко билан «Masters» мусобақасида муддатидан аввал ғолибликка эришди.

Эътиборлиси, бошқа бир ўзбекистонлик шахматчи Шамсиддин Воҳидов 5 очко билан 3-ўринни қўлга киритди.

Нодирбек Абдусатторов эса 4,5 очко билан 5-поғонадан жой олди.

«Challengers» гуруҳида эса сербиялик Александр Инжич 6,5 очко билан ғолибликни қўлга киритди.

Ўзбекистонлик Ортиқ Ниғматов эса қўшимча кўрсаткичларга кўра, вице чемпионга айланди.

Мусобақанинг ғолиб совриндорлари мос равишда Mastersʼда 12 000, 8 000, 6 000, Challengersʼда 4 000, 3 000 ва 2 400 АҚШ доллари миқдорида пул мукофотлари билан тақдирланишди.

• Nodirbek Abdusattorov
• Шахмат
• Тошкент