Шунингдек, клуб яна бир неча варинатларни ҳам кўриб чиқмоқчи.

“Челси” келаси ёзда ҳужум чизиғини кучайтирмоқчи.

“Кўк-анорранглилар” бош мураббийи Томас Тухел “Манчестер Сити” вингери Раҳим Стерлингни кузатиб бормоқда, дея хабар беради The Guardian. Англиялик футболчининг шартномаси келаси мавсум охиригача амал қилади ва футболчи жамоани ўзгартиришдан манфаатдор бўлиши мумкин.

Лондонликлар ҳам ярим ҳимоячи Кристофер Нкункуни сотиб олишни ўйлашмоқда, аммо “Лейпциг”ни етакчини сотишга кўндириш қийин бўлади.

Бундан ташқари, “Челси” ҳужумчилар Жонатан Девид (“Лилл”) ва Дарвин Нунес (“Бенфика”), шунингдек, “Барселона” вингери Усман Дембелега қизиқиш билдирмоқда.

• Челси
• Футбол
• Трансферлар
• Тухел