Шимолий Корея пайшанба куни Япон денгизи йўналишида иккита баллистик ракетани синовдан ўтказди.

Келтирилишича, иккала ракета ҳам 15 дақиқалик интервалда учирилган.

Токио расмийларининг айтишича, снарядлар Япониянинг иқтисодий зонасидан ташқарига тушганга ўхшайди. Япония қирғоқ қўриқлаш хизмати Япония кемаларига зарар етмагани ҳақида маълум қилган.

Япония бош вазири Фумио Кисида Шимолий Корея бундай ҳаракатлари қабул қилиб бўлмайдиган ва хавфсизликка таҳдид солишини айтди.

Япония мудофаа вазири Ясуказу Ҳамаданинг айтишича, Токио кескин норозилик билдирган.

“Биз Пекинда дипломатик каналлар орқали қатъий норозилик билдирдик. Бундай ҳаракатлар БМТ Хавфсизлик Кенгаши резолюцияларини бузади”, - деди Ҳамада.

Япония мудофаа вазирининг сўзларига кўра, биринчи ракета максимал 350 километр масофани босиб ўтган, иккинчиси эса 800 километрга яқин масофада учиб, 50 километр баландликка етган”.

Бу Шимолий Кореянинг йил бошидан бери ўтказган 24-ракета синови бўлди, олдинги синов 4 октябрда бўлган.

• Janubiy Koreya
• КХДР
• Япония