28 ноябрь куни Шимолий Кореяда вилоят халқ мажлислари депутатлари сайлови бўлиб ўтди. Шимолий Кореяда 1960 йилдан бери илк бор ўнлаб сайловчилар сайловларда ҳукмрон партия номзодларига қарши овоз берди, деб ёзмоқда Реутерс нашри. Аммо таҳлилчилар бу ҳолатни авторитар давлатда ҳуқуқларнинг сезиларли ўсишига асос бўла олмайди, деб баҳолаган.
Етакчи Ким Чен Ин мутлақ ҳокимиятни сақлаб қолиш учун ҳомийлик ва репрессия тизимидан фойдаланганликда айбланиб келинади.

Якшанба кунги вилоят халқ мажлислари депутатлари сайлови натижаларида вилоят ва шаҳар кенгашлари депутатлигига танланган номзодларга қарши мос равишда 0,09 ва 0,13 фоиз овоз берилган. Яъни:

Ҳукмрон партия учун – 99,87 фоиз;
Унга қарши — 0,13 фоиз.

“Овоз беришда иштирок этган сайловчиларнинг 99,91 фоизи вилоят халқ йиғинлари депутатлигидаги номзодлар учун овоз берди. Шаҳар ва туман халқ йиғинлари депутатлигига номзодлар учун 99,87 фоизи овоз берилди”, — дейилади давлат ахборот агентлиги хабарида.

• Kim Chen In
• Шимолий Корея