Россия Хавфсизлик кенгаши котиби Сергей Шойгу бугун, 5 август куни иш сафари билан Эронга борди. Бу ҳақда “Gazeta.ru” хабар берди.

Унга кўра, Сергей Шойгу Эрон Миллий хавфсизлик олий кенгаши котиби Али Акбар Аҳмадиан, шунингдек, Эрон Қуролли кучлари Бош штаби бошлиғи Муҳаммад Бағирий билан музокаралар ўтказади.

Бундан ташқари, Шойгуни Эроннинг янги президенти Масъуд Пезешкиян ҳам қабул қилади.

Томонлар хавфсизлик, савдо-иқтисодий, шунингдек, глобал ва минтақавий хавфсизлик соҳасидаги масалаларни муҳокама қилади.

Маълумот учун, 30 июль куни Давлат думаси раиси Вячеслав Володин расмий ташриф билан Теҳронга ташриф буюрган эди. У Эрон Ислом Республикасининг сайланган президенти Масъуд Пезешкияннинг инаугурация маросимида иштирок этганди.

• Eron
• Россия
• Sergey Shoygu