Хитой Халқ Озодлик армияси ва Хитой халқи эҳтимолий кенг кўламли урушга тўлиқ тайёр бўлиши керак. Бу ҳақда парламентнинг йиллик йиғилишида ХХР раиси Си Цзиньпин маълум қилди, деб ёзди “Foreign Affairs” журнали.

Журнал шарҳловчилари йиғилишларда мамлакат раҳбарининг “Хитой урушга тайёрланаётганини” таъкидлаган тўртта нутқининг мазмунига эътибор қаратди, шу билан бирга армия генералларини “жанг қилишдан ва қийин қарорлар қабул қилишдан қўрқмасликка” чақирган.

“Бизга мажбурланиши мумкин бўлган урушлар олдида душманларимиз билан улар тушунадиган тилда гаплашишимиз ва тинчлик ва ҳурмат қозониш учун ғалабадан фойдаланишимиз керак. Янги даврда Озодлик армияси жанговар ҳаракатларни тўхтатиш учун ҳарбий куч ишлатишни талаб қилмоқда”, – дея қайд этилган Си Цзиньпин баёнотида.

Хабар қилинишича, Цзиньпин 2022 йил декабридан буён Хитой бўйлаб янги ҳарбий комиссариятлар ва йиғилиш пунктларини армия манфаати учун очган, шунда Пекин “захира қўшинларини фаоллаштириши ва уруш ҳолатида жанговар қисмларни тўлдириш тизимини имкон қадар тезроқ ташкиллаштириши” мумкин.

Аввалроқ Хитой Мудофаа вазирлиги матбуот котиби Тан Кефей Озодлик армияси тинчлик ва хавфсизликни мустаҳкамлаш учун Россия Қуролли кучлари билан ҳамкорлик қилишга тайёрлигини маълум қилган эди. Унинг қўшимча қилишича, Хитой ва Россия армиялари стратегик мувофиқлаштиришни кучайтириб, мунтазам равишда денгиз ва ҳавода қўшма машқлар ўтказишни режалаштирмоқда.