"Sony"нинг собиқ президенти ва бош директори Нобуюки Идеи 84 ёшида вафот этди. Бу ҳақида корпорациянинг расмий сайтида маълум қилинган.

Хабар берилишича, тадбиркор 2 июнь куни Токиода вафот этган. Ўлим ҳодисасига жигар етишмовчилиги сабаб бўлгани айтилган.

Идеи "Sony" корпорациясида 1960 йилдан ишлай бошлаган, орадан 35 йил ўтиб корпорация президенти лавозимини эгаллаган. Орадан 3 йил ўтиб бош директор сифатида иш бошлаган, 2000 йилда эса директорлар кенгаши раиси этиб сайланган. Тадбиркор ушбу лавозимда 5 йил давомида фаолият олиб борган.

Таъкидланишича, Нобуюки Идеи сўнгги йилларда корпорацияни рақамлаштириш устида фаол иш олиб борган. Бундан ташқари, Идеи ҳукумат илтимосига кўра Япониянинг ИТ-стратегиялари бўйича кенгаш раиси сифатида иш олиб борган.

• Sony
• Япония