Ўзбекистон МТЖ бош мураббийи Сречко Катанец эртанги, Қозоғистонга қарши баҳс олдидан матбуот анжуманида иштирок этди.

«Эртанги ўйин ҳам ҳар доимги каби ўртоқлик учрашуви ҳисобланади. Бугунга келиб тўлиқ таркиб йиғилди. Лекин ўйлайманки, биз эртанги учрашувда ҳам ўз ўйинимизни намойиш эта оламиз.

Бу жамоани ҳурмат қиламан. Биз уларнинг ўйинларини таҳлил қилдик. Менга уларнинг ўйини ёқди. Эртага осон бўлмайди. Биз учун бу оддий ўртоқлик учрашуви, биз ўз ўйинимизни намойиш этамиз. Ўйлайманки, рақибларимизнинг агрессив ўйинига қарши ўзимизнинг ақлли ўйинимизни намойиш эта оламиз.

Осиё кубогининг 2024 йил январь ойига қолдирилиши ҳақида

— Режаларга катта таъсир қилди, дея олмайман. Биз ҳар қандай вазиятга мослашишимиз талаб этилади. Бунинг ижобий томони ҳам бор. Биз кўпроқ ўйинлар ўтказиб, тайёргарликни мустаҳкамлашимиз мумкин. Яна бир яхши томони, бизда чемпионат ноябрда тугайди. Биз Осиё кубогига тайёргарлик кўриб, яхши формада етиб борамиз.

Сўнгги дақиқалар ҳақида

— Бу барча жамоалар билан содир бўладиган муаммо. Дунёнинг энг яхши жамоалари ҳам охирги дақиқаларда гол ўтказиб юбориши мумкин. Футбол ўзгариб бормоқда. Футболчилар охирги дақиқаларда чарчаб қолиши мумкин. Шу сабабли концентрация йўқололади. Умуман олганда, биз ўша ўйинда ҳимоядаги хатоларимиз туфайли ўйин сўнгида гол ўтказиб юбордик.

Ўзбекистон миллий терма жамоаси футболчиси Одилжон Ҳамробеков:

Қозоғистон билан ўйин ҳақида

— Бу ҳеч қандай ажратиб ўтадиган ўйин эмас. Бу навбатдаги ўртоқлик учрашуви. Олдимизда турган йўлимиздаги галдаги ўйин, дея оламан. Мақсад — хатоларни кўриб чиқиб, уларни тўғрилашдан иборат.

Энг кучли яримҳимоя чизиғи ҳақида

— Яримҳимоямиз Аҳмедов, Ҳайдаров, Жепаров ва Кападзелар ҳаракат қилган давр энг кучли чизиқ бўлган, деб ҳисоблайман. Ҳозирга келиб, мураббий ва футболчилар билан бу позицияни мустаҳкамлаш учун ҳаракат қиляпмиз.

• Футбол
• Ўртоқлик ўйини
• Ўзбекистон
• Қозоғистон